Mkuu wa mkoa wa Iringa, Dr. Christina Ishengoma leo amezungumza na wafanya biashara wa manispaa ya Iringa katika ukumbi wa community centre uliopo eneo la Kitanzini katika manispaa ya Iringa, mada kuu ilikuwa inahusu mgomo wa wafanya biashara kupinga mashine mpya za kutoa risiti zilizotolewa na TRA ili zitumike katika biashara zao. Mwenyekiti wa TCCIA mkoa wa Iringa,Bw. Lucas Mwakabunge, akizungumza na wafanya biashara katika mkutano huo. Baadhi ya wafanya biashara walio hudhuria katika mkutano huo uliofanyika leo. Mkuu wa mkoa huyo alisisitiza kuwa elimu inatakiwa kutolewa kwa wafanya biashara hao kuhusu umuhimu wa mashine hizo kwa kuwa wafanya biashara wengi wameonesha hali ya kutoridhishwa nazo na hata kufanya maandamano ya nchi nzima wakipinga matumizi ya mashine hizo na kutaka kendelea kutumia mfumo wao wa zamani wa kutumia vitabu. ENDELEA KUTIZAMA TUKIO HILI KWA KUBOFYA HAPA CHINI
Mkuu wa mkoa huyo alidai kuwa yeye sio muhusika mkuu wa suala hilo lakini kama ilivyo, ni wajibu wake kuzungumza na hata kuwasaidia watu wake hivyo aliwataka wafanya biashara hao fungua maduka kwani kilio chao kimesikika na serikali inalifanyia kazi suala hilo.
Baadhi ya wafanya biashara waliotoa mawazo yao katika mkutano huo, Wafanyabiashara hao walidai kuwa hawazitaki mashine hizo kwa sasa kwa sababu haziwapi faida; husan wale wafanya biashara wadogo wadogo ambao kipato chao ni kidogo kwa kuwa mashine hizo zina gharama kubwa na matengenezo yake yana gharama kubwa pia hakupewa taarifa za kutosha kuhusu mashine hizo bali walishtuliwa tu hivyo hawajaridhika na uamuzi huo wa serikali kupitia TRA.Polisi wa kutuliza ghasia wakiondoka katika eneo hilo la mkutano. Wafanyabiashara hao bado walionekana kutokuwa na furaha baada ya kufungwa kwa kikao hicho lakini hali ilikuwa kushoto kulia kwani wapo wafanya biashara walioonekana wakifungua maduka yao wakati maduka mengine yalikuwa bado hayajafunguliwa.
NA Riziki Mashaka, Iringa. 
